E ftuar në emisionin “Vitality Vibes” këtë javë me Ilvi Begollin ka qenë Dr. Alkerta Ibranji, alergologe-imunologe për të diskutuar më shumë në lidhje me alergjitë që tani me ndryshimin e stinës dhe me ardhjen e dimrit që prekin shumë njerëz dhe jo vetëm kaq…
Ekziston një mit në lidhje me alergjinë nga sperma, një alergji e rrallë për të cilën doktoresha u shpreh se është e vërtetë dhe se:
Nuk është mit, është gjë e vërtetë dhe për disa, sidomos vajza është një problem shumë, shumë i rëndësishëm. Problem jetik, jo vetëm për cënimin e cilësisë së jetës sepse dihet që aktiviteti seksual është një nga kënaqësitë e jetës nga e cila këta njerëz nuk duhet të privohen, por është edhe çështja e shtatzënisë në të ardhmen se si duhet të mendojnë për një familje këto vajza duke qenë se nëpërmjet aktit seksual të pa mbrojtur mund të ndodh ky fenomen, po.
Sperma është me shumë proteina dhe alergjizimi nga një proteinë bën që në çfarëdolloj ekspozimi, flas në ejakulacion qoftë në lëkurë, qoftë në mukoza provokohet një reaksion alergjik. Mund të shkojë deri në anafilaksi që është forma më e rëndë e alergjisë.
Më tej doktoresha shpjegoi se:
Nuk është kaq e rrallë me beso sa ka raportime në botë sepse është pak edhe ajo tabuja për të treguar për të treguar për të. Janë këto filtrat dhe stigmat që kanë shumë njerëz për t’i thënë këto problematika. Unë mendoj se është shumë më e shpeshtë se sa është raportuar, por realisht është një problem, i cili në botë është zgjidhur për këto fenomene. Për këto pak raste, testimi bëhet me spermën e partnerit të pacientes. Jo se tek meshkujt nuk ndodh, por kryesisht është parë e raportar tek femrat. Kjo afekton dhe çiftin, ndikon shumë edhe jetën e tyre sepse tek të rinjtë që kanë këto përjetime, të bëhet fobi burri. Kësaj i thonë që të kesh alergji nga burri dhe bën sens konkret.
Në fakt kjo varet nga lloji i proteinës që shkakton këtë alergji. Nëse ke një proteinë, e cila është universale në të gjithë lëngun seminal atëherë nuk ka rëndësi partneri, serish do ta pësojë këtë reaksion. Nëse është një proteinë unikale e vetë përsonit atëherë patjetër që mund të ketë një shans me ndërrimin e partnerit që të mos përjetojë këtë rekasion alergjik.