Çfarë do bënit nëse fluturimi juaj anulohet dhe nuk keni se si të shkoni në destinacion? Epo mesa duket 13 njerëz e kanë gjetur zgjidhjen. CNN sjell historinë e 13 të panjohurve në Orlando, Florida, të cilët morën me qera një minibus për të nisur një udhëtim rrugor “të çmendur”. Udhëtimin e publikuan hap pas hapi në rrjetet sociale. 

Michelle tregon se ideja ishte e saja, e se të gjithë të tjerët e bënë realitet. Carlos mendon se ishte ideja e Amy. Partnerja e Carlos, Laura thotë se ajo nuk do ta bënte kurrë diçka të tillë. Vajza e Laurës, Mikayla, kishte shumë mosbesim për këtë rrugëtim. 

“Kur më thanë për herë të parë, i shikoja si të çmendur. Unë iu thashë: “Dëshiron të futesh në këtë furgon të madh me një bandë të huajsh të rastësishëm?”, thotë Mikayla për CNN Travel.

Ishte nata e së dielës në Aeroportin Ndërkombëtar të Orlandos në Florida. Një fluturim i Frontier Airlines në mbrëmje për në Knoxville, Tennessee sapo ishte anuluar. Pasagjerët e bllokuar po kërkonin në celularët e tyre për fluturime të tjera dhe u rreshtuan për të folur me stafin e aeroportit të shqetësuar.

Michelle Miller, e njohur në rrjetet sociale si @thefarmbabe, do merrte pjesë në një konferencë në Knoxville. Carlos Cordero dhe Laura Puckering do merrnin vajzën e tyre 17-vjeçare Mikayla Puckering për të vizituar Universitetin e Tenesit. Një pasagjer po shkonte për të ndjekur një seancë gjyqësore. Dikush tjetër po ndihmonte një mik të transferohej në Meksikë. Të tjerët thjesht donin të ktheheshin në shtëpi.

Udhëtarët ishin nga e gjithë SHBA dhe më gjerë. Ata kishin një gjë të përbashkët: fluturimi i tyre u anulua dhe donin të udhëtonin po atë mbrëmje.

Kur filloi ideja për të marrë me qira një furgon dhe për të udhëtuar brenda natës në Knoxville, Carlos dhe Laura thanë jo.  Por më pas çifti pa fytyrën e vajzës së tyre Mikayla, e dërrmuar nga ideja për të humbur turneun e kolegjit të ëndrrave të saj.

“Ajo kishte lot në sy”, thotë Laura.

Ata iu afruan një pasagjeri tjetër, Amy, e cila po fliste për idenë e marrjes së furgonit.

Atyre iu ofrua një furgon që mban 15 persona.

Ndërsa grupi priste furgonin, një nga pasagjerët, Alanah Story, filloi filmimin për TikTok-un e saj. Në video , Alanah u kërkoi pasagjerëve të prezantoheshin dhe të shpjegonin se si e kishin gjetur veten të bllokuar dhe pse po merrnin me qira një furgon me persona të huajsh për të udhëtuar në të gjithë vendin.

“Nëse mendoja se kjo ishte çmenduri, e dija që njerëzit e tjerë mund të mendonin se është gjithashtu e çmendur,” thotë Alanah për CNN Travel. “Dhe kështu që sapo kuptova, ky është një grup shumë unik njerëzish, ne jemi të gjithë shumë të ndryshëm. Kështu që nuk e di, ndoshta edhe njerëzit e tjerë do të donin ta shihnin atë, sepse gjëra të tilla thjesht nuk ndodhin e rregullta”.

Nga pas, disa nga pasagjerët flisnin për jetën, familjet dhe punën e tyre. Udhëtarë të tjerë u përpoqën të flinin. Por diçka po ndodhte në internet — TikTok i Alanah-s po fitonte tërheqjen e njerëzve. Ishte si një film.

Disa orë më vonë, grupi mbërriti në Knoxville.

“Të gjithë ishin kaq të mrekullueshëm. Thuajse shkoi shumë perfekt,” thotë Carlos. “Nuk kishte trafik. Të gjithë u bashkuan, të gjithë u futën brenda. Ishte thjesht pa probleme. U desh përpjekje kolektive. Secili me të vërtetë kishte gjënë e tij që po ndodhte. Por të gjithë kujdeseshin për sipërmarrjet dhe përgjegjësitë e njëri-tjetrit.”

Alana dhe Renee u kthyen në shtëpi. Michelle e kuptoi se ajo në të vërtetë po merrte pjesë në të njëjtën konferencë me Johanin dhe Adolfin. Dhe Mikayla, Carlos dhe Laura arritën në Universitetin e Tenesit në kohën e duhur. 

Disa ditë më vonë, grupi është ende duke kuptuar atë që ka ndodhur. Laura thotë se sa herë që mendon për mënyrën se si u bashkuan, e gjen veten duke qarë. Ajo thotë se është e rëndësishme të ndiqni intuitën tuaj dhe të tregoni kujdes në këtë lloj situate.

“Unë nuk dua t’i bëj njerëzit të mendojnë se mund të hipin në një makinë me të huaj,” thotë ajo duke shtuar se ndihej më e sigurt në situatën sepse ajo ishte me Carlos.