Një helmetë që lëshon ultratinguj mund të përdoret për të trajtuar sëmundjen e Parkinsonit duke moduluar aktivitetin nervor në zona specifike të thella të trurit, përgjegjëse për dridhjet karakteristike të sëmundjes. E prezantuar në ”Nature Communications”, pajisja mund të synojë edhe rajone shumë të vogla të trurit dhe mund të zëvendësojë qasjet ekzistuese, më invazive, si stimulimi i thellë i trurit. ”Helmeta gjithashtu ka potencial për gjendje të tilla si depresioni, sindroma Tourette, dhimbja kronike, sëmundja e Alzheimerit dhe varësitë”, sipas autores Ioana Grigoras.
Kasketa me ultratinguj, një helmetë me 256 burime që futet në një skaner MRI, dërgon impulse mekanike në tru; një sistem revolucionar i aftë të synojë rajone të trurit 30 herë më të vogla se pajisjet e mëparshme me ultratinguj të thellë të trurit. Për të testuar sistemin, studiuesit e aplikuan atë te shtatë vullnetarë, duke drejtuar valët me ultratinguj në një rajon të vogël nervor me madhësinë e një kokrre orizi në bërthamën laterale genikulare (LGN), rruga kryesore për informacionin vizual nga sytë në tru.
“Valët arritën objektivin e tyre me saktësi të jashtëzakonshme”, thotë autorja kryesore Charlotte Stagg e Universitetit të Oksfordit. Eksperimentet pasuese treguan se modulimi i LGN prodhoi efekte afatgjata në korteksin vizual, duke zvogëluar aktivitetin e tij. Ideja është të bëhet e njëjta gjë edhe tek pacientët me sëmundjen e Parkinsonit, duke synuar një rajon të rëndësishëm për kontrollin motorik, për të eliminuar dridhjet.
Sëmundjet neurodegjenerative si Parkinsoni, Alzhaimeri, skleroza dhe demenca mund të jenë pranë zgjidhjes përfundimtare parandalimit ose edhe shërimit të tyre. Një ekip shkencëtarësh nga “Gates Ventures”, kompania e krijuar nga filantropi dhe miliarderi amerikan Bill Gates, ka identifikuar një seri proteinash të cilat ndodhen në trupin e disa individëve dhe mund të sinjalizojnë rrezikun për t’u prekur nga këto sëmundje.
Ky zbulim u bë pas analizimit të më shumë se 250 milionë proteinave të marra nga 35 mostra të ndryshme, një nga studimet më të gjera të këtij lloji të kryera ndonjëherë. Studimi nxori gjithashtu në pah rolin e një varianti të veçantë gjenetik, i cili lidhet me një rrezik më të lartë për zhvillimin e këtyre sëmundjeve në të ardhmen tek ata që e mbartin atë.