Ideja për t’u zhytur vullnetarisht në ujë akull nuk tingëllon shumë tërheqëse. Por, siç rezulton, përfitimet e një dushi të thjeshtë të ftohtë janë të shumta. Sportistët përdorin rregullisht banjë akulli, dhe shumë studime mbështesin këto praktika. Përveç largimit të papastërtive dhe yndyrës nga lëkura, një dush i ftohtë mund të përmirësojë metabolizmin, shëndetin mendor, të ulë nivelet e stresit, të lehtësojë dhimbjet në kyçe dhe shumë përfitime të tjera shëndetësore. Ja çfarë thonë ekspertët përse duhet ta konsideroni dushin e ftohtë si rutinë të përditshme.
Çfarë është terapia e ftohtit?
Terapia e ftohtit është praktika e zhytjes në ujë të ftohtë. Ajo ka origjinë në Greqinë e Lashtë dhe përdorej kryesisht për relaksim dhe socializim. Sot, banjot e ftohta si ‘Plunge’ ose ‘Pod Company Ice Pod’ tregtohen si pjesë e një procesi holistik për të përmirësuar shëndetin e përgjithshëm. Por, zhytja në ujë të ftohtë mund të praktikohet në mënyra të ndryshme, pa pajisje të shtrenjta. Majdoline Jayoushe, specialist i mjekësisë së brendshme në, thotë se terapia e ftohtit mund të bëhet duke notuar në një pishinë të pa-ngrohur ose thjesht duke marrë një dush të ftohtë.
Përfitimet
Sipas Jayoushe:
Ndihmon në luftën kundër depresionit
Ekspozimi ndaj ujit të ftohtë shkakton lirimin e endorfinave, duke ndihmuar shëndetin mendor dhe zhvillimin e shëndetshëm të trurit. Megjithatë, duhen më shumë studime për të sugjeruar se mund të shërojë depresionin.
Redukton inflamacionin dhe ënjtjen
Uji i ftohtë mund të rrisë hormonet e stresit, që përkthehet në përmirësim të biomarkerëve anti-inflamatorë dhe ndihmon në parandalimin e infeksioneve.
Redukton dhimbjet kronike në kyçe dhe muskuj
Ekspozimi në temperatura shumë të ftohta rrit nivelet e norepinefrinës, që ngushton enët e gjakut dhe redukton perceptimin e dhimbjes.
Forcon sistemin imunitar
Dushët e ftohtë rrisin numrin e qelizave të bardha të gjakut dhe reduktojnë deri në 40% infeksionet e traktit të sipërm të frymëmarrjes tek individët që e praktikojnë rregullisht.
Përmirëson metabolizmin
Stresi termik i ujit të ftohtë ndihmon në gjenerimin e energjisë dhe nxehtësisë, rrit indin e yndyrës kafe dhe ndihmon në metabolizmin e glukozës dhe yndyrës.
Përmirëson ndjeshmërinë ndaj insulinës dhe ul rrezikun e diabetit tip 2
Ndihmon trupin të përdorë insulinën më efektivisht, ngjashëm me stërvitjen.
Redukton dukshmërinë e poreve dhe ndihmon kundër aknes
Ngushtimi i enëve të gjakut përmirëson qarkullimin dhe bën lëkurën më të shëndetshme.
Mund të lehtësojë simptomat e menopauzës
Studimet sugjerojnë se gratë midis 45-59 vjeç përjetuan përmirësime në ndryshimet e humorit dhe valët e nxehtësisë, por duhen më shumë hulumtime.
Përmirëson shëndetin e përgjithshëm
Ndihmon në faktorët kardiometabolikë, rrit endorfinat, përmirëson gjendjen mendore dhe ul hormonët e stresit.