Të enjten një kometë e gjelbër do t’i afrohet sistemit diellor dhe më 1 e 2 shkurt ajo mund të shihet me teleskop ndërsa i afrohet Tokës.Ky fenomen ndodh për herë të parë në 50 mijë vite.
Një kometë e zbuluar së fundmi pritet të shfaqet së shpejti në qiellin e natës për herë të parë në 50,000 vjet.
Ezkistenca e saj u zbulua në 2 marsin e kaluar nga astronomët në qendrën San Diego të Kalifornisë.
Kometa do të jetë afër me diellin më 12 janar sic bën të ditur NASA. E quajtur ZTF, kometa ka një orbitë rreth diellit që kalon nëpër skajet e jashtme të sistemit diellor.
Objekti qiellor i akullt, i cili është ndriçuar vazhdimisht ndërsa i afrohet diellit, më pas do të bëjë kalimin më të afërt të Tokës midis 1 shkurtit dhe 2 shkurtit, rreth 42 milionë kilometra larg, planetit.
Sipas EarthSky – ndërsa kometa i afrohet Tokës , vëzhguesit do të jenë në gjendje ta dallojnë atë pranë yllit të ndritshëm Polar, i quajtur gjithashtu Ylli i Veriut, dhe ai duhet të jetë i dukshëm më herët në mbrëmje.
Sipas NASA-s, kometa do të jetë e dukshme me dylbi në qiellin e mëngjesit për vëzhguesit në hemisferën veriore gjatë pjesës më të madhe të janarit dhe ata në hemisferën jugore në fillim të shkurtit.
Në varësi të asaj se sa e ndritshme bëhet në javët e ardhshme, kometa madje mund të bëhet e dukshme me sy të lirë në qiellin e errët në fund të janarit.
Ajo mund të dallohet nga bishtat e saj me vija pluhuri dhe grimcash energjike, si dhe ngjyra e gjelbër e ndezur që e rrethon.