Pse shmangia e konflikteve nuk e forcon një marrëdhënie?

Komunikimi është një nga shtyllat kryesore të çdo marrëdhënieje, por ekspertët theksojnë se rëndësi ka jo vetëm sa fjalë shkëmbehen, por edhe mënyra se si dëgjohet dhe shprehet ajo që ndjehet.

Sipas specialistëve të marrëdhënieve ndërpersonale, suksesin e një lidhjeje nuk e përcakton mungesa e konflikteve, por aftësia për t’i menaxhuar ato me respekt dhe mirëkuptim. Një nga gabimet më të zakonshme gjatë debatit është mungesa e dëgjimit aktiv: shpesh partnerët fokusohen më shumë tek përgjigjja e tyre sesa tek kuptimi i asaj që thotë tjetri. Dëgjimi i vëmendshëm, pa ndërprerje dhe pa paragjykim, krijon ndjesinë e sigurisë emocionale dhe ul tensionet.

Po aq e rëndësishme është edhe mënyra e shprehjes. Fjalitë akuzuese dhe përgjithësimet shkaktojnë reagime mbrojtëse, ndërsa komunikimi nga perspektiva personale ndihmon ndërtimin e një dialogu më konstruktiv dhe qetësues. Çështjet delikate duhet të diskutohen në momente qetësie, kur të dy palët janë emocionalisht të balancuara.

Një problem tjetër i shpeshtë është reduktimi i komunikimit në biseda rutine, të lidhura vetëm me detyrimet e përditshme. Dedikimi i kohës për të ndarë ndjenja dhe mendime personale forcon lidhjen emocionale mes partnerëve. Konfliktet nuk duhet parë si kërcënim; kur trajtohen në mënyrë të shëndetshme, ato mund të shërbejnë si mjet për rritje dhe përmirësim të marrëdhënies, duke ndihmuar partnerët të kuptojnë më mirë njëri-tjetrin dhe nevojat e tyre.