Një modele e OnlyFans ka treguar se si e la punën si bariste për të shitur shishe djerse dhe tani fiton një pagë gjashtëshifrore. Alexia Grace, 25 vjeçe, nga Matlock, Derbyshire, ka fituar mbi 10,000 £ në muaj në OnlyFans që kur la punën e saj në një kafene. Influencuesja me origjinë britanike shtoi se ajo merr dhurata me vlerë më shumë se 100,000 £, duke përfshirë një BMW nga një fans i vjetër.
Alexia, e cila tha se do të bënte ‘çdo gjë’ për komunitetin e saj OnlyFans, pranoi gjithashtu se shiste shishka me djersën e saj për 40,000 £. Ajo tha se po fitonte nën pagën minimale kur u bashkua për herë të parë në platformë, por të ardhurat e saj janë rritur në 120,000 £ në vit. “Jam shumë me fat që nuk punoj më në një kafene. Kur fillova për herë të parë OnlyFans, fitoja pagën më të ulët. Dy vjet më vonë fillova të fitoja 120,000 £ në vit dhe tani fitoj shumë më shumë se kaq.”
Përmbajtja e saj ka tërhequr një komunitet të konsiderueshëm fansash, me njërin i cili i ka dërguar asaj disa dhurata të shtrenjta si një TV, një kompjuter lojrash dhe një BMW M4 Competition Coupé, që vlerësohet të jetë me vlerë 59,000 £.
Ajo tha: “Një nga fansat e mi gjithmonë ka shpenzuar shumë para për mua. Ai ka një punë shumë shumë të mirë.” Modelja ishte në gjendje të linte punën e saj si bariste me kohë të pjesshme në vitin 2021, pasi shiti përmbajtje në aplikacionin vetëm me abonim për dy vjet.
Para se të punonte si bariste, Alexia ishte stjuardesë për linjën ajrore Jet2, por vendosi të largohej pasi u zhgënjye nga orët e gjata të punës dhe paga e ulët. Ajo tha për The Sun se u ndesh me pasagjerë ‘jashtëzakonisht të vrazhdë’ ndërsa punonte me turne 12-orëshe, vetëm për t’u paguar rreth ‘1300 £ në muaj’. Pas një viti e gjysmë pune në Costa Coffee në një stacion shërbimi, Alexia u largua për t’u fokusuar në ndërtimin e karrierës së saj OnlyFans.
