Një studim i ri ndërkombëtar me mbi 10,000 pjesëmarrës nga 45 shtete ka zbuluar një të vërtetë të hidhur për shumë çifte: prindërimi mund të zbehë ndjeshëm pasionin, intimitetin dhe dashurinë romantike.
Sipas të dhënave, çiftet që kanë fëmijë raportojnë nivele dukshëm më të ulëta të romantikës dhe afërsisë krahasuar me ata që nuk janë bërë ende prindër.
Në këtë studim morën pjesë 3,187 individë nga 25 vende, me një moshë mesatare 39 vjeç, shumica të martuar dhe më shumë se gjysma gra.
Ata u pyetën për intensitetin e dashurisë, pasionit dhe intimitetit në marrëdhëniet e tyre, dhe rezultatet ishin befasuese.
Pavarësisht sa fëmijë kishin, çiftet raportuan rënie të dukshme në këto aspekte, duke sugjeruar se lodhja, përgjegjësitë dhe stresi i përditshëm i prindërimit ndikojnë drejtpërdrejt në jetën romantike.
Megjithatë, studimi thekson një fakt të rëndësishëm: angazhimi në marrëdhënie mbetet i fortë.
Çiftet, edhe pse humbin një pjesë të pasionit, nuk kanë më pak përkushtim ndaj njëri-tjetrit.