Një tjetër trend viral në TikTok ka treguar fuqinë e rrjeteve sociale për të ndikuar në ekonominë globale. Këtë herë, në qendër të vëmendjes është një çokollatë e mbushur me krem fëstëku, e njohur si “çokollata e Dubait”, që është bërë jashtëzakonisht popullore pas publikimit të një videoje në vitin 2023.
Videoja në fjalë ka mbledhur mbi 120 milionë klikime, duke nxitur dhjetëra video të tjera pasuese dhe një kërkesë të paparë për produktin. Kërkesa masive për këtë çokollatë ka ndikuar drejtpërdrejt në furnizimin global me fëstëkë, të cilët kultivohen kryesisht në SHBA dhe Iran.
Ekspertët kanë raportuar mungesa në treg dhe rritje të ndjeshme të çmimeve të fëstëkut, si pasojë e këtij trendi. Ky është një shembull i qartë se si fenomenet virale në rrjetet sociale mund të ndikojnë jo vetëm në konsum, por edhe në zinxhirët globalë të furnizimit dhe çmimet e produkteve bujqësore.