Eksperti i kriminalistikës Ervin Karamuço ka qenë i ftuar ditën e sotme në emisonin “Zona Zero” me gazetarin Thimi Samarxhiu.
Në fjalën e tij ndër të tjera, Karamuço ka folur edhe për hakerat, të cilët në mënyrë të vazhdueshme në 4 javët e fundit kanë publikuar të dhëna sensitive lidhur me sistemet më të rëndësishme të vendit tonë që mbartin të dhëna thuajse për të gjithë qytetarët në Republikën e Shqipërisë.
Ndër të tjera, duke komunikuar me gazetarin Samarxhiu, Karamuço tregoi se të dhëna të tjera pritet që të publikohen të ditën e dielë, si një praktikë kjo e ndjekur në 3 javët e fundit nga hakerat.
Gjithashtu Karamuço ka qetëesuar opinionin publik duke treguar se të dhënat e fundit kanë qenë të manipuluara dhe qëllimi i këtij sulmi kibernetik është shqetësimi dhe krijimi i panikut.
“Ata e kanë menduar shumë hollë skenarin se si do e realizojnë… Javën e ardhmshme pritet të dalin të dhëna të tjera. Kanë tre javë me këtë metodë që publikojnë të dhanë sensitivë që e hëna e javës së re të merret me këto informacione. “