“Ndalo se e vrave …”/ Flet dëshmitari që nxori nga deti trupin e pajetë të Jonadës: Skafi erdhi me shpejtësi skëterrë dhe...

Emiljano Zeqillari, është një prej dëshmitarëve të ngjarjes së rëndë të ndodhur në Potam të Himarës pak ditë më parë.

Zeqillari është personi që nxori nga deti trupin e pajetë të vazjës 7-vjeçare Jonada Avdia, e cila u përplas për vdekje nga skafi i drejtuar nga ofioceri Arjan Tase.

Në dëshminë e siguruar nga ABC, Emiljano ka deklaruar në polici se ai ka qenë duke qëndruar në shezllon dhe ka parë një skaf të bardhë i cili është nisur me shpejtësi skëterrë pranë bregut të detit aty ku ndodhej Bledar Avdia bashkë me vajzën e pafat Jonadën.

Zeqillari ka thënë për uniformave blu se në një moment Bledari dhe të tjerët për rreth kanë bërtitur me forcë: “Ndalo se e vrave …”, ndërsa skafi ka goditur Jonadën e vogël, dhe i ka prerë trupin me helikë.

Ndërkohë sipas tij pas ngjarjes mjeti lundrues nuk ka ndaluar për të dhënë ndihmën e parë, kjo ka bërë qe vetë Emiljano të futet në ujë për të nxjerrë trupin e pajetë të 7-vjeçares.