Një status i thjeshtë i shkruar në korrik të vitit 2021 ka tronditur rrjetet sociale, pasi “qëlloi” me saktësi absolute dy finalistët e këtij edicioni. Tani ka mbetur vetëm një detaj për t’u plotësuar…
Botërori i vitit 2026 në Amerikën e Veriut ka dhuruar emocione të jashtëzakonshme, por ajo që po ndodh jashtë fushave të lojës i ka lënë të gjithë pa fjalë. Një postim i vjetër në rrjetin social X (ish-Twitter), i publikuar plot 5 vite më parë, po qarkullon me shpejtësi të rrufeshme në internet duke u cilësuar si një nga parashikimet më “të frikshme” në historinë e futbollit.
Më 12 korrik 2021, përdoruesi me emrin @actuallyimthe (dilemma) shkroi një fjali të vetme që sot duket si një profeci e pastër: “Argjentina sapo mposhti Spanjën në finalen e Kupës së Botës 2026, 3-2.”
Si u bë realitet gjysma e profecisë?
Në kohën kur u shkrua ky postim, askush nuk mund ta imagjinonte rrugëtimin e dy kombëtareve drejt vitit 2026. Megjithatë, pas ndeshjeve gjysmëfinale dramatike, gjithçka u rreshtua sipas parashikimit:
Spanja preku e para finalen e madhe pasi dominoi dhe mposhti Francën me rezultatin pastër 2-0 në Dallas.
Argjentina siguroi biletën e dytë vetëm pak orë më vonë, falë një përmbysjeje heroike 2-1 kundër Anglisë në Atlanta, e udhëhequr nga asistet e magjishme të Lionel Messit.
Me konfirmimin e çiftit të finales Spanjë – Argjentinë, postimi i vjetër i vitit 2021 mori miliona shikime dhe u shpërnda masivisht. Fansat anembanë botës kanë mbetur të shtangur, duke e quajtur autorin e postimit një “udhëtar të kohës”.
A do të plotësohet rezultati 3-2?
Tani që dyshja e finales është gjetur me saktësi absolute, sytë e të gjithë botës janë kthyer nga stadiumi “New York-New Jersey” (MetLife Stadium) ku të dielën, më 19 korrik, do të luhet finalja e madhe.
Nëse Argjentina arrin të mposhtë vërtet Spanjën me rezultatin e saktë 3-2, ky postim do të hyjë zyrtarisht në histori si parashikimi më gjenial dhe i pabesueshëm i bërë ndonjëherë në internet.