Trajneri i Kombëtares shqiptare, Silvinjo, mund të përfundojë aventurën e tij me kuqezinjtë pas Botërorit 2026, kur i skadon kontrata, por ai e përshkruan eksperiencën e tij në Shqipëri si të veçantë dhe të paharrueshme.
Në një intervistë për media braziliane, Silvinjo tha se nuk është ndjerë kurrë kaq i mirëpritur sa në Shqipëri, pavarësisht se ka luajtur dhe jetuar në vende të ndryshme të botës. Ai thekson mikpritjen dhe bujarinë e shqiptarëve, duke treguar shembuj nga përditshmëria ku njerëz të panjohur shpesh i kanë paguar ushqimin në restorant ose i kanë ofruar ndihmë në mënyrë diskrete.
“Edhe në situata të zakonshme, si daljet për drekë, gjithmonë kam gjetur një ambient të hapur dhe të gatshëm për të,” tha trajneri.
Silvinjo shton se kjo sjellje e njerëzve e bën të ndjejë më shumë përgjegjësi për të dhënë maksimumin me ekipin kombëtar, pasi përfaqëson një vend që e ka pritur në mënyrë të veçantë.