Granita Xhaka mes kandidatëve për “Topin e Artë”, por ja kush është shqiptari i parë që ka qenë mes 30 më të mirëve

Pasditen e djeshme u publikua lista e futbollistëve që janë kandidatë për të fituar trofeun e “Tipit të Artë” për këtë sezon.

Përveçse në listë për herë të parë mungonin emrat e dy më të mëdhenjve, Lionel Messi dhe Cristiano Ronaldo, këtë herë me 30 më të mirëve ishte edhe një shqiptar.

Granit Xhaka u vlerësua pas një sezoni fantastik me Leverkusen ku u shpall kampion i Gjermanisë, fitues i Kupës dhe Superkupës së Gjermanisë, finalist i Eropa League, e po ashtu pati një rrugëtim mjaft të mirë me kombëtaren e Zvicrës duke arritur deri në çerek-finale.

Megjithatë, Xhaka është futbollisti i dytë shqiptar që renditet mes kandidatëve për të fituar “Topin e Artë”, pasi i pari është Sokol Kushta.

Për gjeneratat e reja mund të mos jetë emër i njohur, por Sokol Kushta ishte një yll futbolli në shekullin e kaluar. Shqiptari që karrierën e filloi të Flamurtari i Shqipërisë, për të kaluar më pas te Partizani, bëri edhe një karrierë të pasur edhe në Greqi. Kushta luajti në vendin fqinjë për klube si Iralkis, Apolonia Kalmarias, Olympiakos dhe Ethnikos, e në këtë të fundit edhe u pensionuar më 1 korrik të vitit 1996.

Në listën prej 30 lojtarëve, format ky që është edhe sot, Kushta ishte në listë me legjenda të njohura të futbollit si, Ruud Gullit, Paulo Future, Emilio Butragueno, Gary Lineker, Marco van Basten e shumë të tjerë.

Gullit e fitoi Topin e Artë të vitit 198t me 203 pikë, ndërsa Kushta kishte marrë vetëm një pikë, aq sa kishte edhe legjenda e Romës, Rudi Voller.

Për Shqipërinë, Kushta kishte bërë 31 paraqitje dhe kishte realizuar dhjetë gola, por karriera e tij më e ndritur ishte ajo me klube, derisa kishte shënuar edhe super gola, siç është edhe një perlë ndaj Partizanit të Beogradit.

Ai po ashtu kishte paraqitje edhe në gara si UEFA Cup me gjashtë gola, në Cup Winners’ Cup, me katër paraqitje dhe formë të lartë kishte në Super League 1 me g60 paraqitje dhe 12 gola,

Gjatë karrierës së tij, ai kishte arritur t’i bënte 322 paraqitje, ndërsa mbetet deri më sot lojtari i vetëm shqiptar i nominuar për çmimin më të madh individual.