Një ish-futbollist i njohur i Premier Ligës dhe i kombëtares së Anglisë është arrestuar nën dyshimin për tentativë përdhunimi. Arrestimi ndodhi në Aeroportin e Stansted, pasi një ish-partnere e tij denoncoi një ngjarje të dyshuar për tentativë përdhunimi që ka ndodhur në të kaluarën.
Policia e Essex-it u njoftua për rastin dhe, pas hetimeve, është kërkuar nga autoritetet arrestimi i tij. Ish-futbollisti, i cili kishte luajtur për “Tre Luanët” në vitet 2010, u ndalua në pikën e kontrollit të pasaportave, para se të hipte në një fluturim ndërkombëtar me një kompani ajrore me buxhet të ulët.
Në momentin e arrestimit, ai ishte në publik, duke marrë pjesë në disa ngjarje të fundit, çka ka shkaktuar habi për vendndodhjen e arrestimit. Megjithatë, burimet e The Sun thonë se arrestimi ishte i nevojshëm pasi dyshimet për akuzën ishin të bazuara në një kallëzim të paraqitur nga ish-partnerja e futbollistit, e cila ka pretenduar se ai ka tentuar ta përdhunonte gjatë marrëdhënies së tyre.
Pas arrestimit, ish-futbollisti është dërguar në një stacion policie, ku iu morën gjurmët e gishtërinjve, mostrave të ADN-së dhe një foto për regjistrat e krimit. Ai u mbajt për disa orë, ndërsa më pas u lirua me kusht dhe do të vazhdojë të jetë nën hetime. Policia ka njoftuar se ai do të vazhdojë të jetë i liruar deri në fund të shkurtit 2026, kur do të ketë më shumë zhvillime në hetimin që ka nisur.
Përsa i përket gruas që ka bërë denoncimin, ajo është intervistuar nga oficerë të specializuar për krime seksuale dhe ka marrë mbështetje dhe këshillim psikologjik për të përballuar këtë situatë të vështirë.