Futbollisti i Kombëtares Shqiptare, Mirlind Daku, dhe partnerja e tij, Vesa Vllasaliu, po kalojnë një periudhë shumë të bukur të jetës së tyre, pasi janë bërë prindër për herë të parë. Çifti e ndau lajmin e gëzueshëm me publikun disa ditë më parë, duke u përmendur nga miq, familjarë dhe ndjekës në rrjetet sociale, të cilët i uruan ata për këtë moment të veçantë.
Në një postim të përbashkët, ata zbuluan se vajza e tyre e sapo lindur quhet Miresa, një emër i veçantë dhe me një kuptim të thellë, që krijon një lidhje simbolike mes emrave të prindërve dhe i jep këtij momenti një nuancë më të veçantë.
Megjithatë, deri tani, çifti kishte zgjedhur të mbante këtë moment larg vëmendjes së publikut, duke mos publikuar asnjë imazh të vajzës së tyre. Pas kësaj periudhe të privatësisë, Vesa ka vendosur të “thyejë akullin” dhe të ndajë me ndjekësit e saj një imazh të parë të vajzës së tyre, duke sjellë kështu një moment emocionues për fansat dhe ata që i mbështesin.
