Një ngjarje e rëndë ka tronditur Botërorin 2026, pas raportimeve se sulmuesi i Bregut të Fildishtë, Elye Wahi, është arrestuar nga policia franceze nën dyshimet për mashtrim të organizuar dhe korrupsion sportiv.
Sipas autoriteteve hetimore, Wahi dyshohet se ka marrë qëllimisht një karton të verdhë gjatë ndeshjes së 17 majit ndaj Metz, me synimin për të ndikuar në baste të paligjshme të parapërgatitura. Ai është ndaluar në Marsejë më 29 maj dhe është marrë në pyetje, përpara se të lirohej në pritje të hetimeve të mëtejshme.
Megjithëse procedurat ligjore ndaj tij janë ende në zhvillim, lojtari ka udhëtuar me kombëtaren e Bregu i Fildishtë dhe ka qenë titullar në fitoren 1–0 ndaj Ekuadorit në turne.
Megjithatë, e ardhmja e tij në kompeticion mbetet e pasigurt, pasi ndeshjet e radhës të ekipit zhvillohen në Kanada, një vend që mund të kufizojë hyrjen për individë nën hetim penal, sipas rregullave të tij të imigracionit.
Hetimet vijojnë, ndërsa rasti ka hapur debat të gjerë mbi integritetin sportiv dhe lidhjet e mundshme mes futbollit dhe basteve të paligjshme.