Skandalet në fushë/ FSHF ndëshkon klube dhe lojtarë me gjoba dhe pezullime deri 1 vit

Vendimi nr. 35 i Komisionit të Disiplinës dhe Etikës së FSHF datë 27.03.2026

1.KF Teuta, për sjellje të gabuar të spektatorëve, duke ndezur flakadanë dhe mjete të tjera piroteknike, në bazë të nenit 17/2/c të KDE, dënohet me gjobë në masën 50.000 (pesëdhjetë mijë) lekë.

2. AF Elbasani, për sjellje të gabuar të spektatorëve, duke hedhur sende në fushën e lojës si dhe duke ndezur mjete piroteknike, në bazë të neneve 17/2/b dhe 17/2/c të KDE, dënohet me gjobë në masën 100.000 (njëqind mijë) lekë.

3. Lojtari i AF Elbasani, Insa Boye, për lojë të rëndë ndaj lojtarëve kundërshtarë, në bazë të nenit 14/1/e të KDE dënohet me 2 (dy) ndeshje pezullim nga aktiviteti.

4. Zyrtari i KS Kastrioti, Gazmend Vogli, për protestë ndaj vendimeve të zyrtarëve të ndeshjes, në bazë të nenit 14/1/c të KDE, dënohet me 2 (dy) ndeshje pezullim nga veprimtaritë.

5. Lojtari i AF Luftëtari, Behar Ramadani, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.

6. KF Butrinti, për sjellje të gabuar të spektatorëve, duke përdorur kore fyese si dhe banderola diskriminuese ndaj ekipit kundërshtar, në bazë të neneve 6/3/b, 8/1, 15/2/b dhe 17/2/h të KDE, dënohet me gjobë në masën 500.000 (pesëqind mijë) lekë, si dhe me zhvillimin e 5 (pesë) ndeshjeve pa praninë e spektatorëve. Sipas nenit 76/1/b të KDE, gjoba të aplikohet në masën 20%.
Në zbatim të nenit 58 të Rregullores së Aktivitetit, KF Butrinti urdhërohet të dërgojë për miratim listën e zyrtarëve të cilët do të qëndrojnë në tribunë, tek delegati i ndeshjes, të paktën 48 orë përpara fillimit të çdo ndeshje deri në përfundim të dënimit.  

7. KF Delvina, për sjellje të gabuar të spektatorëve, ku janë përdorur kore fyese ndaj zyrtarëve të ndeshjes dhe ekipit kundërshtar si dhe hedhje sendesh në drejtim të lojtarëve dhe zyrtarëve të ndeshjes duke cënuar sigurinë e tyre, në bazë të neneve 6/3/b, 8/1, 17/2/b dhe 17/2/h të KDE, dënohet me gjobë në masën 500.000 (pesëqind mijë) lekë, si dhe me zhvillimin e 5 (pesë) ndeshjeve pa praninë e spektatorëve. Sipas nenit 76/1/b të KDE, gjoba të aplikohet në masën 20%.
Në zbatim të nenit 58 të Rregullores së Aktivitetit, KF Delvina urdhërohet të dërgojë për miratim listën e zyrtarëve të cilët do të qëndrojnë në tribunë, tek delegati i ndeshjes, të paktën 48 orë përpara fillimit të çdo ndeshje deri në përfundim të dënimit.

8. Bylis Vajza U-17, për braktisjen e ndeshjes së vlefshme të Kampionatit Vajzave U-17, kundër FC Skills Vajza U-17, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/d të KDE, gjoba të aplikohet në masën 5%.

9. KF Shënkolli, për braktisjen e ndeshjes së vlefshme të Kampionatit Kombëtar të Kategorisë së Tretë, kundër Vllaznia B, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.

10. Lojtari i FC Dinamo City U-17, Daors Vellahu, për sjellje të dhunshme ndaj lojtarëve kundërshtar, në bazë të nenit 14/1/h të KDE dënohet me 3 (tre) ndeshje pezullim nga aktiviteti.

11. Lojtari i FC Besa U-17, Djorsi Hoxha, për sjellje të dhunshme ndaj lojtarëve kundërshtar, në bazë të nenit 14/1/h të KDE dënohet me 3 (tre) ndeshje pezullim nga aktiviteti.

12. Lojtari i Akademia e Futbollit U-17, Tristan Dërvishaj, për sjellje të dhunshme ndaj lojtarëve kundërshtar, në bazë të nenit 14/1/h të KDE dënohet me 3 (tre) ndeshje pezullim nga aktiviteti.

13. Lojtari i FC Dinamo City U-14, Enio Shtuka, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.

14. Lojtari i Sporting Durrës U-14, Aldjon Asllanaj, për sjellje të dhunshme ndaj lojtarëve kundërshtar, në bazë të nenit 14/1/h të KDE dënohet me 3 (tre) ndeshje pezullim nga aktiviteti.

15. Lojtari i AF Elbasani U-14, Klivio Pajenga, për sjellje të dhunshme ndaj lojtarëve kundërshtar, në bazë të nenit 14/1/h të KDE dënohet me 3 (tre) ndeshje pezullim nga aktiviteti.

16. Lojtari i KF Teuta U-13, Bruno Mina, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.

17. Lojtari i Djekom U-15, Holger Agaj, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.

18. TR 19 Akademi U-7, për mospërmbushje të detyrimeve dhe përgjegjësive duke shkaktuar braktisjen e ndeshjes së vlefshme të Kategorisë së Dytë U-7, Zona Rajonale Tiranë, kunder Albanet U-7, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.

19. KSP Junior C, U-11, për braktisjen e ndeshjes së vlefshme të Kategorisë së Dytë, Zona Rajonale Tiranë, kundër Dinamo 14 B, U-9, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.

20. KF Tirana U-17, për sjellje të gabuar të spektatorëve, duke hyrë në fushën e lojës dhe ushtruar akte dhune, duke sjellë si pasojë ndërprerjen e ndeshjes dhe cenimin e sigurisë në ambientet e stadiumit, në bazë të neneve 6/3/j, 8/1, 13 dhe 17 të KDE, dënohet me gjobë në masën 300.000 (treqind mijë) lekë dhe humbet ndeshjen në tavolinë me rezultatin 3-0 kundër KF Iliria U-17. Sipas nenit 76/1/e të KDE, gjoba të aplikohet në masën 3%.
Në zbatim të nenit 6/3/b të KDE, KF Tirana U-17 dënohet me zhvillimin e 5 (pesë) ndeshjeve pa praninë e spektatorëve.

21. Kastrioti U-13, për braktisjen e ndeshjes së vlefshme të Kategorisë së Dytë, Zona Rajonale Tiranë, kundër Triumph A, U-13, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.

22. FK Vora U-14, për mospërmbushje të detyrimeve dhe përgjegjësive duke shkaktuar braktisjen e ndeshjes së vlefshme të Kategorisë së Dytë U-14, Zona Rajonale Tiranë, kunder Kombinati Futboll U-14, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.

23. Kamza Sport A Vajza U-16, për braktisjen e ndeshjes së vlefshme të Kampionatit të Vajzave, Zona Rajonale Tiranë, kundër FC Alpha 2024 Vajza, U-16, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.

24. Simple FC, për sjellje të gabuar të lojtarëve, duke kërcënuar dhe shfaqur sjellje të dhunshme ndaj zyrtarëve të ndeshjes, duke sjellë si pasojë ndërprerjen e ndeshjes, në bazë të neneve 6/3/j, 8/1, 13dhe 17 të KDE, dënohet me gjobë në masën 300.000 (treqind mijë) lekë dhe humbet ndeshjen në tavolinë me rezultatin 3-0kundër FJT Auto. Sipas nenit 76/1/e të KDE, gjoba të aplikohet në masën 3%.

25. Lojtari i Simple FC, Renco Sula, për kërcënim ndaj zyrtarëve të ndeshjes, në bazë të nenit 14/1/k të KDE dënohet me 10 (dhjetë) ndeshje pezullim nga aktiviteti.

26. FC Luminesen, për sjellje të gabuar të lojtarëve, duke kërcënuar dhe shfaqur sjellje të dhunshme ndaj zyrtarëve të ndeshjes, duke sjellë si pasojë ndërprerjen e ndeshjes, në bazë të neneve 6/3/j,8/1, 13 dhe 17 të KDE, dënohet me gjobë në masën 300.000 (treqind mijë) lekë dhe humbet ndeshjen në tavolinë me rezultatin 3-0 kundër FC Dajti. Sipas nenit 76/1/e të KDE, gjoba të aplikohet në masën 3%.

27. Lojtari i Luminesen, Fatjon Koçi, për kërcënim të zyrtarëve të ndeshjes në mënyrë të përsëritur si dhe për mosrespektim të vendimit nr. 20, datë 09.01.2026, në bazë të neneve 14/1/k, 29/1/d dhe 33 të KDE, dënohet me pezullim nga çdo veprimtari e organizuar nga FSHF për një periudhë prej 1 (një) viti.  

28. Kohës së re të dënimit i shtohet periudha e pashlyer e dënimit të mëparshëm të vendimit nr. 20, datë 09.01.2026.

29. Lojtari i Alpha Crossfit, Blerim Ndou, për kërcënim ndaj zyrtarëve të ndeshjes, në bazë të nenit 14/1/k të KDE dënohet me 10 (dhjetë) ndeshje pezullim nga aktiviteti.

30. FC Dinamo, për shkelje të rregullores së lojës sipas IFAB (Law 3 – Lojtarët), duke kaluar limitin prej 3 (tre) ndalesash për zëvendësimet, në bazë të neneve 6/3/j dhe 8/1të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0 kundër KF Bulqiza. Sipas nenit 76/1/e të KDE, gjoba të aplikohet në masën 3%.

31. Rrëzimin e kërkesës së lojtarit të KF Teuta, Blerim Kotobelli, si të pabazuar në Kodin e Disiplinës dhe Etikës.

32. Rrëzimin e kërkesës së zyrtarit të KF Tepelena, Ilir Selimi, si të pabazuar në Kodin e Disiplinës dhe Etikës.

33. Rrëzimin e kërkesës së FC Dymbëdhjeta, në lidhje me aktivizimin e mundshëm të lojtarëve që nuk duhet të luajnë, si të pabazuar në Kodin e Disiplinës dhe Etikës.

34. Rrëzimin e kërkesës së lojtarit të Eagle Football, Samuel Vrapi, si të pabazuar në Kodin e Disiplinës dhe Etikës.
Kundër vendimit lejohet ankim brenda 3 (tre) ditëve përpara Komisionit të Apelit.