Skandali i certifikatave të falsifikuara të vaksinimit kundër COVID-19 rikthehet në qendër të vëmendjes në Zvicër, teksa pas Granit Xhakës, në të njëjtën çështje është përfshirë edhe sulmuesi i njohur Breel Embolo.
Futbollisti është bërë pjesë e një procedimi gjyqësor për përdorimin e një dokumenti të falsifikuar, ndërsa mësohet se është penalizuar dhe gjobitur nga drejtësia zvicerane për çështjen e certifikatës së vaksinimit.
Për pasojë, Embolo është larguar nga grumbullimi i Kombëtares së Zvicrës dhe pritet të mos jetë në dispozicion për ndeshjet e ardhshme të ekipit kombëtar në Ligën e Kombeve.
Çështja vjen në një moment të ndjeshëm për futbollin zviceran, pasi më herët edhe Granit Xhaka u përball me pasoja për një çështje të ngjashme, duke shkaktuar reagime të forta dhe dëmtuar imazhin e Federatës Zvicerane të Futbollit.
Skandali, që lidhet me përdorimin e dokumenteve false gjatë periudhës së pandemisë, ka rikthyer vëmendjen te rastet e futbollistëve të njohur zviceranë të përfshirë në procedime për certifikatat e vaksinimit.