Trajneri i Kombëtares së Shqipërisë, Sylvio Campos Mendes Junior, po kalon pushimet në vendlindjen e tij, Brazil, ku duket se po përgatitet për ndeshjet kualifikuese të Kupës së Botës. Shqipëria është renditur në Grupin K për kualifikueset e Botërorit, duke u përballur me Anglinë, Serbinë, Letoninë dhe Andorrën.
Në pamjet që ka ndarë e bija e tij në rrjetet sociale, Sylvinho shihet duke u angazhuar me aktivitete fizike, duke treguar se është në formë për të udhëhequr ekipin kuqezi në ndeshjet e ardhshme. Ai po punon me intensitet për të përgatitur strategjinë për sfidat që do të zhvillohen në muajt në vijim.
Kombëtarja e Shqipërisë do të niset për në Angli për ndeshjen e parë të kualifikuesve, që do të luhet më 21 mars 2025, në orën 20:45. Tri ditë më vonë, më 24 mars, kuqezinjtë do të presin Andorrën në shtëpi, gjithashtu në orën 20:45. Ndeshjet pritet të jenë sfida të rëndësishme për të nisur një rrugëtim të suksesshëm drejt kualifikimit në Kupën e Botës.