Tre shqiptarët ia dalin! Dinamo, Egnatia dhe Ballkani kalojnë në turin e tretë kualifikues të CL, ja kundërshtarët e radhës

Tre skuadra shqiptarë do të luajnë në turin e tretë kualifikues të Confrence League. Dinamo, Egnatia dhe Ballkani arritën të kualifikoheshin mbrëmjen e djeshme mes golash, por dhe situatash dramatike.

Në ‘Elbasan Arena’, Dinamo barazoi 1-1 kundër skuadrës nga Andorra, Atletic D’Escaldes. Falë fitores 1-2 në ndeshjen e parë ekipi i Ilir Dajës merr një sukses historik, pasi pas rikthimit në Evropë pas 15 vitesh siguron për herë të parë turin e tretë në një turne të UEFA-s.

Sfida nisi mjaft mirë për të besuarit e Dajës, të cilët kaluan në avantazh që në minutën e 18-të me anë të yllit Baton Zabërgja, pas një gafe në mbrojtjen mike. Por në fillimin e pjesës së dytë, Atletic D’Escaldes barazoi shifrat me anë të Berlangas. Gjërat u vështirësuan për tanët, pasi në minutën e 53-të ngelën me 10 lojtarë pas daljes me karton të kuq të mesfushorit Karamba. Paçka kësaj, Dinamo mbajti rezultatin dhe kalon më tej.

I mposhti Shkëndija / Shpërthen Presidenti i Steauas së Bukureshtit: “Turpi më i madh i futbollit rumun, na eliminoi një ekip i divizionit C”

Në Rrogozhinë, kampionët e Shqipërisë, Egnatia fitoi 1-0 kundër kampionëve të Bjellorusisë, Dinamo Minsk dhe me rezultatin e përgjithshëm 3-0 kalon në turin e tretë ku gjen përballë Olimpija Ljubjanën. Golin e fitores këtë të enjte për Egnatian e shënoi Kastriot Selmani me një goditje klasi.

Nga ana tjetër, Vllaznia nuk ia doli, teksa humbi 4-2 me Vikingur Reykjavik në sfidën e kthimit në Islandë. Edhe pse fitoi 2-1 në Shkodër, Vllaznia eliminohet nga turneu. Dy golat e Bekim Balaj nga penalltia nuk i shërbyen ekipit të Edi Martinit që tanimë e shohin veten jashtë Evrope.

Ballkani i Suharekës ka arritur kualifikimin për në turin e tretë të Conference League, kjo pas barazimit 1-1 në Maltë me Floriana. Sfida e parë e luajtur në Prishtinë u fitua 4-2 nga ana e ekipit të Orges Shehit, gjë që i dha një avantazh të madh në sfidën e kthimit në Maltë. Takimi nisi më mirë për vendasit që kaluan në avantazh në minutën e 38-të, por pas 8 minutash ishte Adetunji që riktheu qetësinë te ekipi nga Kosova. Ballkani më tej gjen Shamrock Rovers.

FIFA dënon Serbinë! Ndeshjen kundër Shqipërisë rrezikon ta luajë pa tifozë

Në ‘Fadil Vokrri’, Prishtina barazoi 1-1 pas 120 minutave kundër Larne. Nga pika e bardhë më të saktë ishin miqtë nga Irlanda e Veriut që kalojnë më tej.

Tashmë, Egnatia dio duhet të përballet me skuadrën sllovene, Olimpija Ljubljana, Dinamo me Hajduk Split të Kroacisë dhe Ballkani me irlandezët e Shamrock Rovers.