Ylli i Chelsea-s, Jesse Derry, 18 vjeç, u dërgua në spital të hënën pas një përplasje të tmerrshme me kokë gjatë ndeshjes kundër Nottingham Forest në Stamford Bridge.
Derry bëri debutimin e tij të plotë për ekipin e parë të Chelsea-t, por ëndrra e tij u kthye shpejt në makth pas përplasjes me Zach Abbott, që shkaktoi një ndërprerje të gjatë të ndeshjes.
Të gjithë u alarmuan për gjendjen e të riut, ndërsa babai i tij, Shaun Derry, ish-kapiteni i QPR-së, raportohet se ishte dukshëm i shqetësuar gjatë ndjekjes së ngjarjes.
Futbollisti i ri mori oksigjen në fushë para se të transportohej me barelë dhe më pas u dërgua me ambulancë në spital për trajtim të mëtejshëm. Sky Sports shfaqi një rishikim të incidentit vetëm pasi Derry u largua nga fusha.
Pues 45 minutos ha durado el debut de Jesse Derry en la Premier con el Chelsea en Stamford Bridge. Golpe tremendo con Abbott y es retirado en camilla con collarín y oxígeno. pic.twitter.com/jOivonYNNi
— Pruden López (@PrudenLpez1) May 4, 2026
Derry u zëvendësua nga sulmuesi i Chelsea-s, Liam Delap, ndërsa ekipi ishte në disavantazh 2-0 në atë moment. Abbott arriti të largohej nga fusha me këmbë pas përplasjes, e cila solli një penallti që u humb nga Cole Palmer.
Kjo ishte hera e parë që Derry luante minuta të plota për Chelsea-n këtë sezon, pasi kishte luajtur vetëm në FA Cup ndaj Wrexham dhe Hull City. Ai ka zhvilluar 29 ndeshje këtë sezon me ekipin U-21, duke shënuar 12 gola dhe dhuruar 4 asistime.