Cristiano Ronaldo dhe Georgina Rodriguez janë zyrtarisht burrë e grua, duke kurorëzuar lidhjen e tyre pas gati një dekade së bashku.
Ylli portugez i futbollit dhe modelja spanjollo-argjentinase u njohën në fillim të vitit 2017, kur Georgina punonte si asistente shitjesh në një dyqan Gucci. Romanca mes tyre nisi pak kohë më pas dhe lidhja u bë publike po atë vit.
Georgina ka rrëfyer më herët se fillimi i marrëdhënies ishte i veçantë, duke kujtuar edhe rastet kur Ronaldo e priste pas punës. Në një prej tyre, ai kishte mbërritur me një Bugatti, duke tërhequr vëmendjen e kolegëve të saj.
Çifti bëri paraqitjen e parë publike së bashku në ceremoninë e “The Best FIFA Football Awards” në Zyrih, në janar 2017.
Ronaldo është baba i pesë fëmijëve. Ai është babai i Cristiano Jr., si dhe i binjakëve Eva Maria dhe Mateo, të lindur përmes një nëne surrogate. Me Georginën ka dy vajza, Alana Martina dhe Bella Esmeralda.
Çifti ka kaluar edhe një moment të dhimbshëm në vitin 2022, kur djali i tyre, Ángel, humbi jetën gjatë lindjes.
Katër vite pas kësaj humbjeje, Georgina njoftoi fejesën me Ronaldon, duke publikuar edhe unazën e saj të diamantit.
Tashmë, pas gati dhjetë vitesh lidhje, Ronaldo dhe Georgina kanë kurorëzuar dashurinë e tyre dhe janë zyrtarisht të martuar.
