Lojtari i Manchester Cityt, Benjamin Mendy, është në gjyq në Gjykatën Chester Crown në Angli për tetë akuza për përdhunim dhe sulm seksual, që dyshohet se kanë ndodhur midis 2018 dhe 2021. Në hapje të çështjes, prokuroria akuzoi Mendin se “kërkimet e viktimave për të bërë seks e ktheu në lojë” dhe se futbollisti e kaloi kufirin e pëlqimit “përsëri dhe përsëri”.
“Ky rast është një kapitull tjetër në një histori shumë të vjetër: burra që përdhunojnë dhe sulmojnë seksualisht grate, sepse mendojnë se janë të fuqishme dhe sepse mendojnë se mund t’i shpëtojnë”,- argumentoi Timothy Cray, siç është publikuar nga ‘Daily Mail’.
Gazeta ‘The Times’ publikon se gjatë gjykimit gjykata u informua se Benjamin Mendy përdhunoi tre gra brenda një nate, pas një feste në pishinë në pallatin e tij të izoluar të tmerreve. Mendy u përshkrua si një “grabitqar” seksual që “tregoi indiferencë dhe pashpirt” ndaj viktimave të tij.
“Veprat që të pandehurit kryen së bashku (Mendy akuzohet me mikun e tij Louis Saha Matturie) tregojnë një mospërfillje të pashpirtë për gratë që ndoqën. Në mendjet e tyre, dhe kjo nuk mund të ishte më e qartë, rryma e grave që sollën në shtëpitë e tyre ekzistonte vetëm për t’i persekutuar për qëllime seksuale”, tha prokurori.
Gjatë gjyqit, Mendy u akuzua se mbylli disa nga viktimat e tij, të izoluara dhe pa telefona celularë në “dhoma paniku” të mbyllura në rezidencën e futbollistit në Mottram St Andrew (Cheshire).
Sipas Cray, futbollisti dhe shoku i tij ua kanë hequr celularin vajzave, pasi “Mendy nuk donte që Pep Guardiola ta shihte në Instagram me një tufë vajzash”. “Dy nga dëshmitarët pretendojnë përdhunime në ato dhoma dhe ata ndjeheshin sikur ishin mbyllur brenda,”- tha prokurori Cray.