Thomas Muller e sheh ndryshe humbjen e Gjermanisë ndaj Japonisë, me shifrat 1-2.
Sulmuesi i Panzerave shprehet pas takimit të Botërorit se ekipi dominoi për një pjesë të mirë të ndeshjes dhe se skuadra nuk i la në dorë asgjë fatit.
“Nuk e di cilën ndeshje e keni parë por mendoj se ne dominuam për 75 minuta, pastaj ishte e qartë se nuk ishim në gjendje ta kontrollonim dhe pranuam dy gola, por bëmë një lojë të mirë, intensive dhe nuk i lamë asgjë fatit” – Tha Muller duke u zënë me gazetaren.
Gjermania ka debutuar me humbje edhe në Botërorin e Katarit, duke u mundur 1-2 nga Japonia.
Skuadra e Hansi Flick ushtroi presion dhe pas disa rasteve të mira, përfitoi një penallti, pasi shte portieri japonez që ndërhyri në mënyrë të gabuar.
Nga pika e bardhë Gundogan nuk fali dhe 1-0 në minutën e 33-të. Gjermania nuk uli ritmin edhe në pjesën e dytë, pati shumë mundësi shënimi, por është Japonia që barazon në 75’ me Doan.
Tetë minuta më pas Asano shënon golin e dytë për japonezët. Duket se fati i keq i botërorit të fundit po e ndjek sërish këtë kombëtare, teksa në 2018 u eleminua pikërisht nga një aziatike, Koreja e Jugut.