Festa e Inter Miamit për prezantimin e Lionel Messit u ndërpre për shkak të motit. Një stuhi e fortë godet zonën e shtetit të Floridës ku zhvillohet ngjarja dhe klubi i David Beckham u kërkoi tifozëve të qëndrojnë brenda dhe në makinat e tyre për arsye sigurie.
Ngjarja ishte planifikuar për në orën 20:00 (me orën e kontinentit amerikan), por reshjet ishin të pranishme dhe klubi njoftoi se shfaqja do të vonohej. Kaluan minutat dhe shiu, era dhe vetëtimat filluan të bëheshin më intensive dhe i detyruan të pranishmit në stadiumin DRV PNK të strehoheshin nën një çati. Deri më tani, Inter Miami nuk ka raportuar nëse prezantimi do të anulohet.