Të parët në lista/ Rama jep emrat e kandidatëve në 12 qarqet: Ku kandidojnë Najada Çomo dhe Luljeta Bozo

Kryesocialsiti Edi Rama ka publikuar një pjesë të listave të vendeve të para të kandidatëve socialistë. Për Shkodrën ai bëri të ditur se do të jetë Edona Bilali në vendin e parë në Shkodër, një profesoreshë e këtij qyteti. Rama theksoi se “e gjithë rrjeti i biznesit në Shkodër e njeh se punon me ta”.

Në Vlorë është emri i Pranvera Resulajt në Vlorë. “Ajo është një kandidate e mbështetur me shumë këmbëngulje nga i gjithë komuniteti. Ajo ka qenë drejtoreshë e Tatimeve në Vlorë”, tha Rama.

Më tutje është Greta Duraku që do të jenë në vendin e parë në Kukës. “Ajio është anagzghuar prej vitesh në sektorin privat, menaxherer dhe duke qenë se është paraqitur në platformën tonë të deputetëve që duam dhe performanca e saj ka qenë shumë pozitive”.

Emër tjetër është Eni Zake në Korçë, administratore e universitetit të Korçës, anëtare e këshillit bashkiak.

Emigranti Lavdrim Krashi është vendi i parë në qarkun e Dibrës.

Hatixhe Konomi në Berat është kandidatja tjetër e PS-së, një prurje e re. Aktualisht është nënkryetare e bashkisë në Berat.

Në dy listat e para, Najada çomo dhe Luljeta Bozo janë dy gratë që do udhëheqin listën e Tiranës. “Këto nuk i ndaja dot se janë të dyja për vendin e parë. Janë dy profesioniste fantastike. Këto prurje të reja u jep mundësi pensionistë dhe pensionisteve, gjysheve dhe gjyshëve të përfaqësohen në Parlament”, tha Rama.

Ndërsa kanë qenë listat me emrat të rinj, në qarkun e Fierit do të jetë një senator i PS-së, ku vendi i parë do t’i takojë

“Vendi i parë është i një socialisti të paepur që e drejton qarkun dhe një tjetër që do të jetë te kufiri i qarkut të Fierit”.

Vendi i parë në Elbasan do të jetë ministrja e Arsimit, Evis Kushi. “Si ministre e Arsimit deri tani që flasim është një nga eksperiencat më të mira të mijat”, tha Rama.

Ndërsa në Gjirokastër do të mbajë vendin e parë Mirela Kumbaro. Në Gjirokastër objektivi bazë është dy deputetë dhe i dyti do të jetë ministri Çuçi si drejtues i qarkut.

Lindita Nikolla do të jetë kryesuese e qarkut të Lezhës. Ndërsa Milva Ekonomi do të jetë për qarkun  Durrësit.