Pas sherrit në Hamallaj të Durrësit dhe arrestimit të Martin Nikollit, policia ka vepruar me shpejtësi duke bërë të mundur edhe arrestimin e një tjetër presoni që ishte i përfshirë në këtë sherr.
Bëhet me dije se policia e Durrësit ka vënë në pranga edhe një familjar të gardistit Martin Nikolli.
Kujtojmë se më herët ky i fundit u vu në pranga, ndërsa akuzohet se bashkë me familjarë të tij, kanë dhunuar anëtarë të një familjeje, fqinjë, pas një konflikti për motive pronësie. Po ashtu thuhet se gardisti, i cili u shkarkua pas ngjarjes, ka qëlluar edhe me armën e shërbimit në ajër.
Njoftimi i policisë:
Në vijim të veprimeve që po kryhen në lidhje me konfliktin e ndodhur paraditen e sotme, në Hamallaj, Durrës, specialistët për Hetimin e Krimeve të Stacionit të Policisë Manzë arrestuan në flagrancë shtetasin A. N., 46 vjeç, banues në Tiranë.
Po në vijim të veprimeve, nga AMP Durrës, në bashkëpunim me specialistët për Hetimin e Krimeve të Stacionit të Policisë Manzë, u arrestua në flagrancë shtetasi M. N., 50 vjeç, banues në Tiranë (gardist).
Arrestimi i tyre u bë pasi ditën e sotme, në Hamallaj, janë konfliktuar për motive pronësie,
duke përdorur mjete të forta, me shtetasit P. K., K. K. dhe S. K. (anëtarë të një familjeje).
Gjatë konfliktit shtetasi M. N. ka qëlluar në ajër, me armën e shërbimit.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme për veprat penale “Kanosja”, “Plagosja e rëndë me dashje” dhe “Prishja e qetësisë publike”.
