Plagosi gruan e djalin dhe s’pranoi të dorëzohet, 62-vjeçari ekzekutohet nga RENEA

Është ekzekutuar nga forcat RENEA 62-vjeçari Ramiz Muçollari në Maliq.

62-vjeçari është qëlluar me armë, pasi hapi zjarr ndaj forcave RENEA me armën e tij, pasi efektivët hynë në shtëpi për ta arrestuar. Pas ekzekutimit të kryefamiljarit, forcat RENEA u larguan nga vendngjarja.

62-vjeçari ishte izoluar në shtëpi dhe nuk iu bind thirrjeve për t’u dorëzuar, pasi plagosi me thikë gruan dhe goditi djalin me tytën e armës. Nënë e bir u dërguan në spital, ku ndodhen nën kujdesin e mjekëve.