Një 75-vjeçar i cili ishte shpallur i humbur dy ditë më parë, është gjetur i mbytur sot në Gramsh.
Policia ka njoftuar se i moshuari është gjetur në fshatin Pishaj, në shtratin e lumit Devoll, ndërsa në trup nuk ka shenja dhune.
Më 17 korrik, djali i tij e kishte denoncuar si të humbur në polici, duke kërkuar ndihmë për ta gjetur.
Njoftimi i policisë:
Më datë 19.07.2023, në fshatin Pishaj, në shtratin e lumit Devoll, është gjetur i pa jetë, shtetasi , 75 vjeç, banues në Gramsh, i cili dyshohet se është mbytyr në lumë.
Nga kqyrja paraprake e trupit të 75-vjeçarit, nuk janë konstatuar shenja dhune.
Për këtë shtetas, më datë 17.07.2023, ka bërë kallëzim në Polici, djali i tij shtetasi 43 vjeç, ku ka deklaruar se është larguar nga banesa babi i tij dhe nuk është kthyer më.
Grupi hetimor po punon për dokumentimin e plotë të rrethanave të ngjarjes.
