Një konflikt i çastit i mbrëmjen e së premtes, mes kushërinjve degjeneroi në përdorimin e sendeve të forta në Cakran të Fierit.
Sipas informacioneve, 37-vjeçari Miri Sulaj bashkë me djalin e tij të mitur, dhunuan me sende të forta 44-vjeçarin Eduard Sulaj, i cili është djali i xhaxhait të 37-vjeçarit.
Bëhet me dije se 44-vjeçari Eduard Sulaj mori lëndime të shumta në pjesë të ndryshme të trupit, ndërsa u dërgua fillimisht për mjekim në Qendrën Shëndetësore të Cakranit. Për shkak të gjendjes së rënduar, u dërgua më pas në Spitalin Rajonal të Fierit dhe ndodhët në kujdesin e mjekëve. Nga ana tjetër, pas konfliktit, babë e bir u larguan nga vendngjarja, por u kapën dhe u shoqëruan disa orë më pas nga Policia.
