Këto janë momentet kur forca të shumta policie futen me vrap në ambientet e Gjykatës së Posaçme, pas marrjes së njoftimit se në seancë po regjistrohej një sherr fizik.
Gazetarja e Top Channel, Anila Hoxha, bën me dije se sherri ndodhi në seancën paraprake të gjyqit për vrasjen e 23-vjeçarit nga Klosi, Renis Dobra. Incidenti i rëndë ndodhi kur një nga të pandehurit, Petrit Çakraj nisi të dëshmojë për ngjarjen. Më pas kanë qenë të pandehurit e tjerë, vëllezërit Aleksandër, Kristi e Fatjon Bushgjokaj, të cilët e kanë dhunuar këtë të fundit pasi “hapi” gojën.
