Ende ka shpresë që nën rrënojat e ndërtesave të shkatërruara nga tërmeti i fuqishëm në Turqi, të ketë njerëz që jetojnë.

Nëna dhe dy fëmijët e saj janë shpëtuar nga rrënojat e ndërtesës Ugur në qytetin Hatay 228 orë pas tërmetit.

Në qytetin Hatay vazhdojnë punimet e kërkim-shpëtimit pas tërmeteve me qendër në Kahramanmaras.

Ekipet e kërkim-shpëtimit që kryejnë punime në rrënojat në ndërtesën Ugur të shembur nga tërmeti në rrugën Oymak, arritën të gjejnë një grua dhe dy fëmijë.

Nëna, emri i të cilës mësohet se është Ela, u nxor e gjallë nga rrënojat bashkë me dy fëmijët e saj me punimet e ekipeve. Nëna dhe fëmijët u dërguan me ambulancë në spital.