Ligji drejt miratimit/ Ky shtet europian do u ndalojë fëmijëve nën 15 vjeç të përdorin rrjetet sociale

Rrjetet sociale nuk do të përdoren nga fëmijët nën moshën 15-vjeç pa pëlqimin e prindërve.

Ky është një nga projektligjet që pritet të miratohet në parlamentin francez, sipas së cilës theksohet se, platformat e mediave sociale si TikTok, Snapchat ose Instagram nuk do të lejohet të përdoren nga fëmijët nën 15-vjeç pa miratimin e prindërve. 

Në teori, mediat sociale nuk janë të hapura në Francë për personat nën moshën 13 vjeç. Megjithatë, regjistrimi i parë ndodh mesatarisht në moshën 8.5 vjeç dhe më shumë se gjysma e fëmijëve të moshës 10-14 vjeç kanë një prani atje, sipas të dhënave franceze, Autoriteti Mbrojtës (CNIL).

Në rast të shkeljes së detyrimeve të tyre të reja, rrjetet sociale do të penalizohen, me gjobë deri në 1% të xhiros globale të kompanisë. Teksti gjithashtu lejon një prind të kërkojë që të pezullohet llogaria e një fëmije nën 15 vjeç. Dhe kërkon që rrjetet të mundësojnë një pajisje për gjurmimin e kohës.