Abonentëve të NETFLIX u është kërkuar urgjentisht të kontrollojnë cilësimet e aplikacionit që ata po përtdorin, për shqetësimin se mund të mos jen ë duke marrë shërbimin për të cilin po paguajnë.
Gjigandi i transmetimit ka më shumë se 1,500 tituj të disponueshëm në 4K këto ditë nëse jeni të gatshëm të paguani tarifën më të lartë prej 15,99 £/19,99 dollarë. Por disa shikues mund të mos kenë mundësi t’i shohin të jgithë filmat dhe jo për faj të tyre.
Netflix kufizon cilësinë e transmetimit të videos në Google Chrome dhe Firefox për shkak të frikës se njerëzit piratojnë shfaqje dhe filma. Në gjuhën teknike, bëhet fjalë për diçka që quhet menaxhimi i të drejtave dixhitale (DRM), që mbron përmbajtjet nga kopjimi.
Chrome dhe Firefox kanë një DRM të bazuar në softuer, por nuk e mbështesin DRM të bazuar në harduer.
Kjo do të thotë se mijëra orë të televizorit dhe filmave të Netflix mund të hiqen nga një aplikacion regjistrimi në ekran. Pra, në vend të kësaj, kompania ul cilësinë e transmetimit për të mbrojtur veten disi.
Por kjo do të thotë që ju do të jeni në gjendje të arrini vetëm 720p, për të cilat mund të paguani shumë më pak. Nëse jeni abonuar në planin kryesor 4K, ekziston një mënyrë tjetër shumë e thjeshtë për të marrë atë për të cilën po paguani.
Microsoft Edge mbështet DRM-në e bazuar në harduer – dhe kur bëhet fjalë për Mac-in, po ashtu edhe Safari. Kalo te këta dy shfletues uebi për të marrë 4K nga desktopi ose laptopi njëherë e përgjithmonë.
