Një oficer policie i Koresë së Jugut, i cili ishte vënë nën hetim nga autoritetet në lidhje me tragjedinë e ndodhur në kryeqytetin e Koresë së Jugut natën e festës së Halloween-it, është gjetur i vdekur në shtëpinë e tij.
Ai u gjet nga një anëtar i familjes rreth orës 12:45. 55-vjeçari, i identifikuar si Inspektori Jeong, ishte një oficer inteligjence që punonte me policinë lokale. Jeong ishte një i dyshuar në një hetim mbi reagimin e policisë ndaj përplasjes, e cila vrau tragjikisht 156 kryesisht të rinj dhe plagosi 196 të tjerë. Ai u pezullua të mërkurën, pasi u akuzua se kishte urdhëruar kolegët të fshinin një raport pak para ngjarjes së Halloween, i cili paralajmëronte për mundësinë e një incidenti të rëndë.
Të paktën 100,000 njerëz ishin dyndur në zonën e Itaewon për të festuar festat e para të Halloëeen pas pandemisë dhe as autoritetet lokale dhe as policia nuk kishin planifikuar masa për një turmë kaq të madhe.
“Jeong është përballur me dyshime se pas tragjedisë, ai urdhëroi fshirjen e një raporti të brendshëm të inteligjencës në përpjekje të dyshuar për të mbuluar mosveprimin. Akuzat e ngritura kundër tij përfshinin shpërdorim të autoritetit, shkatërrim të provave dhe neglizhencë profesionale që rezultoi në vdekje” raportoi Yonhap.
Një pjesë e vogël e zyrtarëve të lartë, duke përfshirë shefin e policisë, kryebashkiakun e Seulit dhe ministrin e brendshëm, kanë kërkuar falje publike, duke pranuar se nuk kishin arritur të parandalonin katastrofën fatale. Zemërimi i publikut është rritur pas publikimit në fillim të këtij muaji të transkripteve të thirrjeve të urgjencës dërguar policisë që tregonin se në katër orët para se rritja e turmës të bëhej vdekjeprurëse, policia kishte marrë 11 raporte për grumbullim të rrezikshëm në zonën Itaewon.
