Këngëtarja e famshme, Britney Spears, ka tërhequr vëmendjen me një postim të fundit në “Instagram”, ku ka ndarë një mesazh të Justin Bieberit mbi vlerën personale, identitetin dhe besimin.
44-vjeçarja publikoi një fotografi të këngëtarit të famshëm, mbi të cilën ishte vendosur citati:
“Vlera ime nuk bazohet në atë që kam bërë, atë që kam, kë njoh apo atë që njerëzit thonë për mua. Unë jam i mjaftueshëm sepse Zoti më krijoi”.
Britney e etiketoi Justin Bieberin në publikim, por nuk shtoi asnjë përshkrim apo koment tjetër.
Postimi u interpretua si një reflektim mbi vetëvlerësimin, veçanërisht pasi Spears kohët e fundit ka folur hapur për ndikimin që periudha 13-vjeçare nën kujdestari ligjore pati në jetën e saj.
Në një postim të mëparshëm, Spears kishte shprehur keqardhjen për dëmin që, sipas saj, kujdestaria ligjore i kishte shkaktuar “zemrës dhe shpirtit” të saj.
Kujdestaria, e cila filloi në vitin 2008, përfundoi zyrtarisht në nëntor të vitit 2021, pas vitesh debatesh publike dhe fushatës #FreeBritney.
Ndonëse Spears nuk ka shpjeguar arsyen e saktë pse zgjodhi të ndajë pikërisht këtë citat, mesazhi për të gjetur vlerën personale përtej arritjeve, pasurisë apo mendimit të të tjerëve ka tërhequr vëmendjen e ndjekësve.
