Aktori i famshëm, Will Smith, nuk jeton thjesht në një shtëpi luksoze. Rezidenca e tij në Calabasas është një pronë gjigante, e konceptuar si një kompleks privat që të jep më shumë përshtypjen e një resorti luksoz sesa të një banese.
Pasuria shtrihet në një sipërfaqe prej rreth 150 hektarësh, ndërsa në qendër të saj ndodhet një rezidencë kolosale prej afro 25 mijë metrash katrorë.
Për ndërtimin e saj u deshën rreth shtatë vite punë dhe një numër i madh profesionistësh. Marangozë, muratorë, artizanë të gurit dhe metalit punuan për vite me radhë për të realizuar projektin.
Rezidenca është projektuar nga arkitekti Stephen Samuelson, i cili ka kombinuar elemente nga kultura dhe arkitektura të Lindjes së Mesme, Afrikës dhe Azisë, duke i ndërthurur me stilin e Jugperëndimit amerikan.
Një prej detajeve që bie menjëherë në sy është hyrja monumentale. Dera kryesore raportohet se ka qenë dikur pjesë e një fortese në veri të Indisë, duke i dhënë pronës një tjetër element unik.
Edhe interieri është po aq i veçantë. Dizajnerja Judith Lance ka përdorur mobilie të punuara me dorë, materiale natyrore dhe një sërë elementesh dekorative të frymëzuara nga kultura të ndryshme.
Por përmasat e pronës janë ato që e bëjnë vërtet të jashtëzakonshme.
Kompleksi është aq i madh dhe i izoluar sa, sipas raportimeve, disponon edhe një ZIP CODE të dedikuar për adresën, i cili përdoret për çështje të postës dhe logjistikës së pronës.
Me hapësirat e saj të pafundme, arkitekturën e veçantë dhe nivelin ekstrem të privatësisë, rezidenca e Will Smith është padyshim shumë më tepër se një shtëpi luksoze: është një pasuri që ngjan me një botë më vete.
