Këngëtarja e famshme, Shakira, ka qenë e pranishme në tribunat e stadiumit gjatë ndeshjes mes Argjentinës dhe Austrisë në Kupën e Botës 2026.

Prania e artistes kolumbiane u bë një nga momentet më të komentuara, teksa ajo tërhoqi vëmendjen e tifozëve duke përshëndetur dhe duke dërguar puthje nga tribuna.

Ndërkohë në fushë, Argjentina, vazhdoi ecurinë pozitive në fazën e grupeve.

Skuadra e drejtuar nga Lionel Scaloni siguroi fitoren me rezultatin 2-0 ndaj Austrisë, duke regjistruar suksesin e dytë radhazi në turne.

Heroi i takimit ishte Lionel Messi, i cili realizoi të dy golat për kampionët në fuqi, duke i dhënë Argjentinës tri pikë të rëndësishme dhe duke e afruar ekipin me kualifikimin në fazën e eliminimit direkt.

Prania e Shakiras dhe paraqitja e shkëlqyer e Messit e bënë këtë përballje një nga ngjarjet më të spikatura të ditës në Kupën e Botës 2026.

Këngëtarja e famshme ka realizuar edhe këtë vit himnin për Kupën e Botës të titulluar “Dai Dai” në bashkëpunim me Burna Boy.