Lionel Messi është ndëshkuar financiarisht nga Major League Soccer pas një incidenti të ndodhur në fund të përballjes mes Inter Miami dhe Philadelphia Union, e cila përfundoi 2-2. nNë minutat shtesë të takimit, ylli argjentinas pati një përplasje me Quinn Sullivan. Në pamjet e ndeshjes, Messi shihet teksa e godet kundërshtarin në pjesën e pasme të kokës me dorë.
Pas episodit, futbollisti i Inter Miamit shpjegoi se reagimi i tij erdhi pasi kishte marrë më herët një bërryl nga Sullivan. Megjithatë, MLS vendosi ta konsiderojë veprimin si shkelje të rregullores disiplinore. Liga amerikane konfirmoi vendimin për ta gjobitur Messin, por nuk bëri të ditur shumën e penalizimit.
Sipas deklaratës zyrtare, Messi shkeli rregulloren që ndalon kontaktin me dorë në fytyrën, kokën ose qafën e një kundërshtari. Incidenti ndodhi në minutën e 101-të të sfidës. Pavarësisht gjobës, Messi mbetet një prej figurave më të rëndësishme të Inter Miami dhe një nga emrat më të mëdhenj të kampionatit amerikan. Ndëshkimi tregon se rregullat disiplinore të MLS zbatohen edhe ndaj yjeve kryesorë të ligës.