Kristi dhe Jori planifikojnë një rreng, shpojnë tullumbacet e banorëve (VIDEO)

Mbrëmjen e djeshme, Vëllai i Madh u dha banorëve një sfidë me tullumbace, e cila u kthye menjëherë në argëtim për ta.

Përmes një zarfi të bardhë, Vëllai i Madh sqaroi shumë qartë që ata nuk duhet të shponin tullumbacet e njëri-tjetrit, por Krist Aliaj dhe Jori Delli bënë të kundërtën.

Teksa banorët shkuan të flinin, ata të dy përgatitën një rreng për banorët. Ishte Kristi, ai i cili propozoi që bashkë me modelen, të shponin tullumbacet e banorëve.

Ai tha se kur ka qenë në shkollë, ka mësuar një stil me letër për të shpuar tullumbacet dhe atë teknikë e vuri në praktikë bashkë me Jorin.

Jori mori një gjilpërë në dhomën e gjumit dhe e fshehu te atletet, për të shpuar tullumbacet. Ajo fillimisht shpoi tullumbacen e Kristit, e më pas atë të Nita Latifit.