Nëse do t’i jepej mundësia, Olta zbulon 3 banorët që do të nxirrte ‘kokë më kokë’ në nominim

Ngjarjet në shtëpinë më të famshme në Shqipëri, “Big Brother VIP2” duket se po marrin një tjetër rrjedhë dhe situata është tensionuar.

Ishte Dea Mishel ajo që me fitimin e provës “Testi i Inteligjencës”, fitoi të drejtën të nominojë tre konkurrentë. Ajo zgjodhi Luiz Ejllin, Efi Dhedhes dhe Kiara Titon. E ishte Efi, ajo që u eliminua nga BBV.

Si “hakmarrje”, e njëjta fuqi iu dha Kiarës në Prime-in e ardhshëm. Tre emrat e banorëve që ajo zgjodhi të çojë në nominim ishin Olta Gixhari, Dea Mishel dhe Tea Trifoni.

Ditën e nesërme do të mësojmë cila prej vajzave eliminohet, ndërsa mbrëmë tre të nominuarat realizuan një “konferencë për shtyp” ku banorët e tjerë u vendosën në vendin e gazetarëve.

Keisi Medini i drejtoi Olta Gixharit pyetjen: “Cilët do të ishin tre banorët që do të nxirrte në nominim, nëse do të hapte Kutinë e Pandorës?”.

Pa ngurrim, aktorja e njohur u përgjigj se nëse do t’i jepej kjo mundësi, do të çonte në nominim Luizin, Kiarën dhe Maestron.

Këtë të fundit, e gjithë shtëpia ka nisur ta shohë si lojtar të fortë, që e mban mirë me të gjithë konkurrentët e tjerë.

Nga ana tjetër, Olta dhe Luizi së bashku kanë bërë plane si të eliminojnë Maestron, për të mos e lejuar të fuqizohet më tepër e t’i bëhet “problem”.