Aktori i famshëm, Orlando Bloom dhe partnerja e tij, Luisa Laemmel, janë fotografuar duke kaluar disa ditë relaksi në bregdetin italian, ku janë shfaqur të afërt dhe mjaft të lumtur gjatë një dite në plazh.
49-vjeçari dhe modelja 28-vjeçare, të cilët u njohën vitin e kaluar pas ndarjes së Bloom nga këngëtarja Katy Perry, duket se po e forcojnë gjithnjë e më shumë lidhjen e tyre.
Për shkak të angazhimeve profesionale, çifti që ka një diferencë moshe prej 21 vitesh, zgjedh shpesh të organizojë pushime të shkurtra për të kaluar kohë së bashku.
Këtë herë destinacioni i tyre ishte Forte dei Marmi, në provincën e Lucca-s në Toskanë, një nga vendet më të preferuara të VIP-ave gjatë sezonit veror.
Në fotot e publikuara nga mediat rozë, Bloom dhe Laemmel shihen duke notuar në det, ndërsa nuk mungojnë as momentet plot humor. Modelja shihet duke e ngacmuar aktorin dhe duke e shtyrë në ujë, ndërsa të dy shpërthejnë në të qeshura.
Pushimet e tyre në Itali vijnë në një periudhë kur marrëdhënia mes tyre duket se po ecën mjaft mirë, me çiftin që vazhdon të shfaqet gjithnjë e më shpesh së bashku në udhëtime dhe dalje publike.
