Në rreth 9 metra nën ujë, gjaku mund të duket se ka një ngjyrë jeshile ose më të errët për shkak të mënyrës se si drita përhapet në ujë. Kjo ndodh sepse uji thith gjatësitë e ndryshme të valëve të dritës me shpejtësi të ndryshme, dhe drita e kuqe zhduket e para ndërsa rritet thellësia.
Në kushte normale në tokë, gjaku duket i kuq sepse reflekton dritën e kuqe. Por nën ujë, kur kjo dritë mungon, ngjyra e perceptuar e gjakut ndryshon dhe mund të duket më e errët, kafe, ose në disa raste me nuancë jeshile, në varësi të thellësisë dhe pastërtisë së ujit.
Sipas studiuesve të mjedisit, ky efekt nuk lidhet me ndonjë ndryshim në vetë gjakun, por me mënyrën se si syri i njeriut e percepton ngjyrën kur drita e kuqe nuk është më e pranishme. Zhytësit raportojnë se ky fenomen mund të vërehet zakonisht midis 9 dhe 15 metrave nën ujë.
Ndërkaq, rikujtojmë se studiues nga Mass General Brigham dhe Albert Einstein College of Medicine kanë identifikuar se metabolitet, molekula të vogla në gjak që krijohen gjatë metabolizmit, lidhen me rrezikun e zhvillimit të diabetit të tipit 2 në të ardhmen. Ata po ashtu kanë zbuluar faktorë gjenetikë dhe të stilit të jetesës që mund të ndikojnë në këto metabolite. Përveç kësaj, kanë zhvilluar një nënshkrim që parashikon rrezikun e ardhshëm për diabet të tipit 2, përtej faktorëve tradicionalë të rrezikut. Rezultatet e studimit janë publikuar në revistën Nature Medicine.