Vajza 13-vjeçare e Kim Kardashian dhe Kanye West, North West, është bërë objekt diskutimesh në rrjet pas shfaqjes në një video të publikuar në “TikTok”, ku disa përdorues vunë re një ndryshim në pamjen e hundës së saj.
Në videon e publikuar në llogarinë e përbashkët të Kim Kardashian dhe North, 13-vjeçarja kërcen dhe sinkronizon buzët me këngën “SOS” të Rihanna-s.
Disa përdorues pretenduan në komente se forma e hundës së North dukej ndryshe dhe se mund të ishte rezultat i konturimit me grim. Reagimet u drejtuan edhe ndaj Kim Kardashian, me disa persona që kritikuan mënyrën se si po trajtohet imazhi i vajzës në një moshë kaq të re.
“Më vjen keq për fëmijën, e cila u ndikua nga të afërmit e saj, të mendojë se fytyra e saj nuk është mjaftueshëm e bukur ashtu siç është. Edukatë e keqe”, shkroi një përdorues.
Një tjetër komentoi: “Më shqetëson shumë që ajo po e konturon hundën e saj të bukur. Çfarë po ndodh këtu?”
Të tjerë theksuan moshën e North dhe nevojën për më shumë mbështetje prindërore në një periudhë kur fëmijët janë veçanërisht të ekspozuar ndaj presionit për pamjen e jashtme.
@kimandnorth ♬ original sound – Kim and North
Megjithatë, nuk munguan edhe ata që hodhën një tjetër hipotezë. Sipas disa përdoruesve, ndryshimi në tiparet e fytyrës mund të jetë shkaktuar nga një filtër i përdorur në video dhe jo nga grimi.
“Duket si një filtër. Ajo tregon vazhdimisht shtrembërime në video dhe ndonjëherë mund ta shihni fytyrën e saj nën atë të rreme”, shkroi një komentues.
Pavarësisht nëse bëhet fjalë për grim apo filtër, disa përdorues argumentuan se ekspozimi ndaj standardeve të tilla të bukurisë mund të ndikojë te mënyra se si një adoleshent e percepton pamjen e tij.
North West është fëmija i parë i Kim Kardashian dhe Kanye West. Ajo lindi në qershor të vitit 2013 dhe çifti ka edhe tre fëmijë të tjerë: Saint, Chicago dhe Psalm.
