Bonnie Blue ka shkaktuar një valë reagimesh në rrjetet sociale pasi publikoi një video të shkurtër ku shfaqet me foshnjën e saj të porsalindur në krah, ndërsa pranë saj qëndrojnë tre burra me maska blu. Krijuesja 27-vjeçare e përmbajtjeve për të rritur e publikoi videon në X, vetëm pak kohë pasi kishte lindur.
Në video, Blue bën shaka për rikuperimin pas lindjes me prerje cezariane dhe periudhën gjashtëjavore që zakonisht rekomandohet pas lindjes. Pamjet u përhapën me shpejtësi në rrjetet sociale, duke shkaktuar kritika dhe debate për vendimin e saj për ta përfshirë foshnjën në përmbajtjen që publikon.
Megjithatë, videoja nuk tregon aktivitet seksual apo xhirimin e përmbajtjeve për të rritur në praninë e foshnjës. Sipas raportimit, pamjet kufizohen te biseda dhe shfaqja e fëmijës dhe nuk ka prova se burrat e pranishëm ishin aty për të xhiruar përmbajtje me Blue. Në rrjetet sociale, disa përdorues kanë kërkuar ndërhyrjen e autoriteteve dhe shërbimeve për mbrojtjen e fëmijëve, ndërsa të tjerë kanë akuzuar Blue se po e përdor foshnjën si pjesë të imazhit të saj publik. Por deri tani, sipas materialit të publikuar, nuk ka asnjë njoftim zyrtar për hetim policor apo për përfshirjen e shërbimeve sociale.