Futbolli boshnjak është në zi pas vdekjes së Amir Dzihan, i cili humbi jetën tragjikisht në fushë. Ai po luante për ekipin e divizionit të dytë NK Bajer Velagici kundër FK Vitez kur ra në tokë. Stafi mjekësor nxitoi menjëherë drejt tij për t’i dhënë ndihmën e parë, por fatkeqësisht ai ndërroi jetë.
Ndeshja u ndërpre menjëherë ndërsa lojtarët, stafi dhe tifozët mbetën të shokuar. Dzihan ishte djali i trajnerit të Bajer, Enes Dzihan
Ndërkohë FK Vitez lëshoi një deklaratë të shkurtër në lidhje me incidentin e rëndë:
“Ndeshja nuk do të vazhdojë. Mendimet dhe lutjet tona janë me lojtarin mysafir, familjen e tij dhe klubin NK Bajer”.
Bajer gjithashtu lëshoi një deklaratë, ku dha lajmin e trishtë për tifozët:
“Të dashur tifozë, me hidhërim të madh ju njoftojmë se sot në ndeshjen e klubit tonë, Amir Dzihan pësoi një aksident të rëndë, të cilit për fat të keq nuk i mbijetoi. Amir është djali i trajnerit tonë Enes Dzihan dhe të gjithë jemi në shok. Kërkojmë mirëkuptimin dhe mbështetjen tuaj për familjen tonë”.
Bajer gjithashtu postoi një homazh për Dzihan të nesërmen, ku shkruanin:
“Amir Dzihan, një djalë që e kaloi tërë jetën e tij në sport dhe për të cilin futbolli ishte shumë më tepër sesa sport, na la dje, për fat të keq, shumë shpejt. Fati donte që Amir të humbiste jetën pikërisht në ndeshje dhe se babai i tij, Enes Dzihan, do ta udhëhiqte nga stoli në ndeshjen e tij të fundit. Amir punoi në Kroaci dhe vinte në shtëpi në fundjavë.
Në një kohë të shkurtër, ai u bë i preferuari midis shokëve të tij të ekipit dhe do të mbetet në zemrat e lojtarëve, tifozëve dhe menaxherëve të klubit. Ne do të vizitojë familjen Dzihan sot dhe do të jemi me ta në këto ditë të vështira. Të gjithë janë ende në shok dhe nuk mund ta besojnë atë që ndodhi në një ndeshje që supozohej të ishte vetëm një tjetër në një seri dhe do të mbetet në kujtesën e të gjithëve ne si gjëja më e keqe që ndodhi në historinë e klubit”.
