Pas 2 javësh pushime, Lionel Messi u rikthye sot në ambientet sportive të Paris Saint Germain. Pasi arriti misionin e tij më të dëshiruar, Pleshti, u kthye si kampion në klubin me të cilin luan.

Dhe po si i tillë u prit edhe nga shokët dhe stafi i ekipit francez. Me duartrokitje dhe një dhuratë të vogël për kapitenin që udhëhoqi Argjentinën drejt Kupës së Botës.

Megjithatë ajo që nuk kishte si t’i shpëtonte rrjetit, ishte një moment se si vëllai i vogël i Mbappe shihte 7 herë fituesin e Topit të Artë.

Në dallim nga të tjerët, në sytë e tij nuk kishte gëzim, edhe kjo me të drejtë pasi kundërshtari direkt i Messi-t ishte Mbappe.

Pavarësisht 4 golave të tij të shënuara në finale, ai nuk mundi të ngrinte trofeun për Gjelat.