Ish-ministri Fatmir Mediu është thirrur ditë ne sotme në Prokurorinë e Posaçme kundër Korrupsionit dhe Krimit të Organizuar.
Mësohet se Mediu është thirrur në lidhje me dosjen hetimore për tragjedinë e Gërdecit, për t’u njohur me akuzat, ndërsa pritet të paraqitet pranë SPAK në orën 13:30.
Sipas SPAK, Mediu ka shkelur ligjin kur ishte ministër i Mbrojtjes duke shpërdoruar detyrën, veprime të cilat sollën tragjedinë e Gërdecit, ku humbën jetën 26 persona dhe shumë të tjerë i plagosën.
SPAK filloi, avokat Ngjela nxjerr listën e gjatë: Kush rrezikohet nga Gërdeci , 21 Janari dhe…
Tragjeditë shqiptare në 30 vjet/ Qindra viktima Nga Otranto, tërmeti e Gërdeci (FOTO)
Gërdeci i plagosur – Historia prekëse e 3 fëmijëve, pamje ekskluzive të fabrikës – Top Story
SPAK kërkoi rigjykimin e Fatmir Mediut, pasi e akuzon si një nga ish-zyrtarët përgjegjës për tragjedinë e Gërdecit, me 26 të vrarë dhe qindra të plagosur. Gjykata e Lartë vendosi t’ia dërgojë këtë çështje për kompetencë GJKKO-së, me arsyetimin se me ndryshimet e fundit ligjore në kuadër të reformës në drejtësi, i takon asaj ta shqyrtojë dosjen penale ndaj ish-zyrtarit të lartë. Apeli i GJKKO vendosi hapjen e çështjes duke marrë të pandehur ish-ministrin. Ndërkohë Mediu ka dorëzuar rekursin në Gjykatën e Lartë ku kundërshton vendimin e Gjykatës së Apelit të Posaçëm duke pretenduar se vendimi i Apelit është antikushtetues. Sipas avokatëve të tij, ky vendim cënon parimin e gjësë së gjykuar, sa kohë një kërkesë për rigjykim është rrëzuar më herët nga Gjykata e Tiranës dhe Apeli i saj.
