Koreja e Veriut nuk i kursen paradat ushtarake ku tregon “dhëmbët” e ushtrisë së saj, dhe armët e fuqishme që zotëron.
Megjithatë, duket se dikatori Kim Jong Un po përgatitet pë luftime në të gjitha frontet, teksa ka testuar një armë të re, të fuqishme.
Bëhet fjalë për një sulm nënujor, që mund të krijojë një cunami shkatërrues. Arma, e quajtur “Artizanati i Sulmit Bërthamor Nënujor pa pilot Haeil” (Haeil do të thotë cunami), u testua midis 4 dhe 7 prillit.
Gjatë kësaj kohe u vërtetua se arma mund të lundronte nën ujë për 71 orë e gjashtë minuta, sipas raportit. Anija udhëtoi nga porti Gajin në provincën Hamgyong drejt një objektivi në brigjet e portit Ryongdae në qytetin Dancheon të Koresë së Veriut, ku u shpërthye nën ujë.
Në përgjigje të këtij testi, media shtetërore raportoi se udhëheqësi i Koresë së Veriut Kim Jong-un ishte “shumë i kënaqur”.
Koreja e Veriut ka testuar intensivisht armët që nga viti i kaluar, me disa ekspertë duke vënë në dukje emërimin e presidentit të Koresë së Jugut, Yoon Suk-yeol, si një faktor në këtë.
